2026

З першай старонкі “Буся” дае наказ сваім чытачам і распавядае пра беларускіх жанчын. Прапануе даведацца, хто ў Арктыцы жыве, і размаляваць паўночных жыхароў.

Ёсць ў часопісе вершы пра надыходзячыя святы: Дзень роднай мовы, Дзень абаронцаў Айчыны і Узброеных Сіл, Гуканне вясны, Дзень жанчын і іншыя тэмы.

У нумары знойдзеце казку для інсцэніроўкі (зараз гэта “Хамяк і Верабей”) і выявы персанажаў да яе. Акуратна выразайце іх па контуры, прыклейвайце да драўлянай палачкі і збірайце герояў для свайго тэатра!

Новая рубрыка — “Нашы эмоцыі”! У гэтым нумары гаворка будзе пра пазітыўную эмоцыю радасць.

Пра чароўныя майстэрні музейнага комплексу “Дудуткі” даведаецеся з апавядання І. Токаравай. І яшчэ шмат цікавага!

З часопісам “Буся” прыемна і пазнавальна бавіць час!