Пачатковая школа №8, 2021

У нумары прапануюцца метадычныя рэкамендацыі ад аўтараў новага «Буквара» для школ з беларускай мовай навучання.   Педагогі гімназіі № 4 г. Баранавічы дзеляцца вопытам выкарыстання матэрыялаў адзінага інфармацыйна-адукацыйнага рэсурса на ўроках матэматыкі ў 2 класе. Прапануюцца сцэнарый урока, фота- і відэафрагменты да яго. 
 Блок матэрыялаў адрасаваны выхавальнікам групы падоўжанага дня: планаванне работы, занятак і экалагічная гульня ў ГПД.
Да юбілею з дня нараджэння Н. С. Гілевіча распрацавана мерапрыемства па творах народнага паэта. 
 На дадатковай укладцы «У дапамогу намесніку дырэктара» друкуецца дакументацыя па арганізацыі прафесійнага росту маладых педагогаў.  Каляровая ўкладка працягвае праект «Словы роднай мовы». Гэтым разам прапануюцца  ілюстрацыі па тэмах «Ягады» і «Грыбы». Дадатковы матэрыял да гэтых груп змешчаны ў мультымедыйным дадатку: каляровыя выявы, размалёўкі, крыжаванкі, карткі са словамі-апісаннямі і словамі-дзеяннямі, літаратурны матэрыял - загадкі і цікавыя гісторыі.   У «Педагагічнай скарбонцы»  - урок літаратурнага чытання і мерапрыемства ў ГПД.