-
Дошкольное образование и подготовка к школе
-
Начальная школа
- Средняя школа
- Факультативные занятия
-
Наглядные пособия
-
Гражданско-патриотическое воспитание
-
Развивающая и художественная литература
- Грамоты, дипломы, медали, линеечки успеха
-
Периодические издания
-
Электронные издания для учителей
-
Для учителей
- Раскраски
- Товары для школы
- Акционные товары
-
23 февраля и 8 марта
- Высшее и дополнительное образование
- Компетентностный подход
- Научно-популярная и справочная литература
- Специальное и профессиональное образование
Подпишитесь на рассылку и получайте свежие новости и акции нашего магазина.
2019
На вокладцы часопіса “Пачатковая школа” №7/2019 – дэкан факультэта пачатковай адукацыі Мазырскага дзяржаўнага педагагічнага ўніверсітэта імя І. П. Шамякіна Б. А. Крук, інтэрв’ю з якім адкрывае ліпеньскі нумар. Працягваем друкаваць матэрыялы па дыягностыцы метапрадметных вынікаў на ўроках рускай мовы і рускага літаратурнага чытання. З новай тэхналогіяй “Умное чтение”, якая дапаможа абнавіць змест пачатковага навучання, знаёміць аўтар – кандыдат педагагічных навук С. І. Гін. Для нагляднасці ў мультымедыйным дадаткузмяшчаюцца ўзоры заданняў, якія спрыяюць павышэнню якасці навучання чытанню. Аб шляхах вырашэння праблем інклюзіўнай адукацыі – дапамозе дзецям з аўтыстычнымі парушэннямі і з парушэннем слыху – разважаюць вучоныя з лабараторыі спецыяльнай адукацыі НІА. Дыдактычны сцэнарый урока на тэму “Разнообразие животных. Насекомые” (“Чалавек і свет”, II клас) дапоўнены постарам накаляровай укладцы. На дыску на дзвюх мовах – беларускай і рускай прапануецца віртуальная экскурсія ў музей гісторыі Вялікай Айчыннай вайны.
У чэрвеньскім нумары – інтэрв'ю з начальнікам арганізацыйна-аналітычнага ўпраўлення НІА Л. Ф. Кузняцовай. Прапануюцца матэрыялы па ацэнцы метапрадметных кампетэнцый на ўроках рускага літаратурнага чытання і матэматыкі. Урокі пазакласнага чытання па тэхналогіі змешанага навучання, сакрэты правядзення якіх раскрываюцца ў адным з артыкулаў нумара, павышаюць матывацыю вучняў да чытання і спрыяюць захапленню гэтым працэсам. Змешчаны матэрыялы пераможцаў конкурса “Творчасць маладых педагогаў”: урок матэматыкі ў IV класе, урок па прадмеце “Чалавек і свет” у II класе, а таксама гульня-падарожжа пра фарміраванне лідарскіх якасцей у вучняў III–IV класаў. Рубрыка “Адрасы перадавога вопыту” знаёміць з вопытам гімназіі № 3 г. Бабруйска. На дыску прапануюцца: карткі з заданнямі да матэрыялаў нумара, трэнажор па беларускай мове “Правапіс слоў з падоўжанымі зычнымі гукамі”, урокі матэматыкі, беларускай мовы, музыкі і працоўнага навучання. Да ўрока працоўнага навучання падрыхтаваны постар “Саломапляценне”. На другой каляровай укладцы– “Піраміда харчавання” да факультатыўнага курса “По ступенькам правил здорового питания”. На дадатковай укладцы “У дапамогу намесніку дырэктара” – “Преподавание математики в начальной школе. Об организации изучения вопроса”.
Адкрывае нумар інтэрв’ю з начальнікам аддзела пачатковай адукацыі Мінскага ГІРА В. У. Назаранкай. У рубрыцы “Новае ў змесце пачатковай адукацыі” раскрываюцца асаблівасці ацэнкі метапрадметных вынікаў на ўроках рускай мовы і рускага літаратурнага чытання. У рубрыцы “Метадычная майстэрня” прапануюцца: артыкулы аб моўных нормах рускай і беларускай моў і шляхах павышэння матывацыі малодшых школьнікаў на ўроках беларускай мовы, эфектыўныя заданні па фарміраванні чытацкай граматнасці, даследчыцкі практыкум на ўроках рускай мовы. Рубрыка “Інклюзіўная адукацыя” дапамагае парадамі па школьнай адаптацыі дзяцей з цяжкімі парушэннямі маўлення. У нумары друкуюцца матэрыялы, якія ў конкурсе “Творчасць маладых педагогаў” атрымалі дыпломы другой ступені. Гэта ўрок навучання грамаце, урок матэматыкі і завочная экскурсія па горадзе Наваполацку.
На дадатковай укладцы “У дапамогу намесніку дырэктара” разглядаюцца пытанні змястоўнага аналізу вынікаў вучэбнай дзейнасці пры безадзнакавым навучанні. Постары, змешчаныя на каляровай укладцы, завяршаюць серыю наглядных дапаможнікаў да прадмета “Мая Радзіма – Беларусь”, якая друкавалася з № 5/2018. Гэтым разам прадстаўлены тэмы 27 і 28 – “Багацце нашай краіны” і “Тут мінуўшчына з сучаснасцю сышліся”. На дыску – трэнажор “Сакрэты беларускай мовы”, сцэнарый спартыўнага мерапрыемства, гульня “Што? Дзе? Калі?”, а таксама матэрыялы па арганізацыі школьнага аздараўленчага лагера.
Адкрывае нумар інтэрв’ю з загадчыкам лабараторыі пачатковай адукацыі НІА Аленай Аляксееўнай Гулецкай. На дадатковай укладцы “У дапамогу намесніку дырэктара” друкуецца новы дакумент – адукацыйны стандарт пачатковай адукацыі. Традыцыйна ў № 3 прапануюцца матэрыялы для кантролю ведаў вучняў па рускай і беларускай мовах, рускім і беларускім літаратурным чытанні, матэматыцы і прадмеце “Чалавек і свет”. На дыску кантрольна-вымяральныя матэрыялы размешчаны ў выглядзе картак для вучняў. Аўтары новага вучэбнага дапаможніка “Русский язык. II класс”, які пачне выкарыстоўвацца з 2020/2021 навучальнага года, знаёмяць з канцэпцыяй падручніка і заданнямі па тэме “Однокоренные (родственные) слова”. У артыкуле “Павышэнне педагагічнай культуры бацькоў” прапануюцца інтэрактыўныя метады і практыкаванні, што забяспечваюць інавацыйны падыход да арганізацыі эфектыўнага ўзаемадзеяння школы і сям’і. На дыску, у рубрыцы “Педагагічная скарбонка”, настаўнікі дзеляцца лепшым вопытам – выкарыстаннем інтэлект-карт на ўроках рускай мовы і літаратурнага чытання, правядзеннем урокаў музыкі, англійскай.
У студзеньскім нумары прапануецца інтэрв’ю з галоўным рэдактарам часопіса “Пачатковая школа”, доктарам педагагічных навук Мікалаем Георгіевічам Яленскім. Дыдактычныя матэрыялы, асновай якіх з’яўляецца чытацкая граматнасць, распрацаваны па рускай і беларускай мовах і прадмеце “Чалавек і свет”. Працягваем друкаваць метадычныя рэкамендацыі да ўрокаў па новым падручніку “Русский язык. 3 класс” і дадатковыя заданні да ўрокаў літаратурнага чытання ў 4 класе.На каляровых укладках прапануюцца плакаты да ўрокаў “Мая Радзіма — Беларусь”: тэмы “У краіне майстроў і творцаў” і “Песняры роднай мовы і Бацькаўшчыны”. У мультымедыйным дадатку — пашырэнні артыкулаў, урокі і факультатыўныя заняткі, а таксама каляндар на 2019 год з карцінамі мастака В. Данілава.